Convocatoria ordinaria da Comisión Informativa de asuntos a tratar polo Pleno

O venres 17 de xuño de 2016 ás 20:30 h. celebrarase unha reunión ordinaria da Comisión Informativa de asuntos a tratar polo Pleno na Casa do Concello coa seguinte orde do día:

1. Aprobación acta da sesión ordinaria do 22/04/2016.
2. Adhesión ao convenio de colaboración en materia de xestión catastral entre a Secretaría de Estado de Facenda (Dirección Xeral de Catastro) e a Deputación Provincial de Pontevedra.
3. Mocións:
1. Moción presentada polo Grupo Municipal BNG-Asembleas Abertas sobre a Limpeza do Lavadoiro de Paraíso en Portas.
4. Rolda de intervencións.

Moción para limpeza do lavadoiro de Paraíso en Portas

O sábado 11 de xuño, o BNG-Asembleas Abertas presentou unha moción no rexistro do concello para demandar a limpeza do lavadoiro de Paraíso en Portas.

Convocatoria extraordinaria da Comisión Informativa Especial de Contas

O xoves 23 de xuño de 2016 ás 20:15 h. celebrarase unha sesión extraordinaria da Comisión Informativa Especial de Contas na Casa do Concello coa seguinte orde do día:

1. Informe Conta Xeral exercicio 2015.

Convocatoria da asemblea aberta de Portas

O venres 3 de xuño ás 21:00 h. celebrarase unha asemblea aberta no Centro Cultural de Romai.

Asuntos a tratar:

• Balance do primeiro ano de lexislatura.
• Plan de traballo.

Como sempre están convidad@s tod@s @s simpatizantes e amig@s.

Pleno Extraordinario

O luns 30 de maio de 2016 ás 20:45 h. celebrarase un pleno extraordinario na Casa do Concello coa seguinte orde do día:

1. Formación mesas electorais - Sorteo eleccións xerais 2016

Encontro Aberto

O venres 13 de maio ás 21:00 h. celebrarase un encontro aberto na Casa da Cultura de Portas dentro do Proceso Adiante de relanzamento do proxecto nacionalista posto en marcha polo BNG.

Tamén se presentará o novo Consello Comarcal.

www.adiante.gal

Pleno Ordinario

O venres 29 de abril de 2016 ás 20:30 h. celebrarase un pleno ordinario na Casa do Concello coa seguinte orde do día:

1. Aprobación da acta da sesión ordinaria de 26/02/2016.
2. Dación de conta de Decretos e Resolucións da Alcaldía.
3. Portal da Transparencia.
4. Adhesión á Asociación Grupo do Desenvolvemento Rural do Salnés.
5. Mocións:
1. Moción presentada polo Grupo Municipal BNG-Asembleas Abertas sobre a Reordenación e Recuperación da Bouza do Porto (Briallos).
2. Moción presentada polo Grupo Municipal BNG-Asembleas Abertas sobre a limpeza e arranxo da Fonte da Margarida en Lantaño.
3. Moción presentada polo Grupo Municipal BNG-Asembleas Abertas sobre a adopción de medidas de conservación, protección e promoción do Petroglifo da Pedra da Grade.
4. Outras mocións:
1. Moción presentada pola Plataforma Salva o Tren - BNG-Asembleas Abertas.
6. Rogos e preguntas.