A auga da traída municipal non é apta para o consumo, segundo as análises realizadas polo Concello

O alcalde non informa aos veciños e veciñas

Como cada ano, durante o pasado verán e outono volveuse a producir unha nova crise de algas tóxicas no río Umia. A enorme concentración de materia orgánica na auga estancada do encoro de Caldas dá lugar á formación de cianobacterias, que inxeridas poden producir graves problemas de saúde na poboación, ademais de danar a fauna e flora do propio río.

A pesares da gravidade da situación, o goberno municipal do PP actuando irresponsablemente non tomou medidas para atallar o problema e nin sequera informou dos riscos de beber a auga da traída municipal que subministra ás parroquias de Lantaño, Portas e Romai.

É inconcibíbel que a traída de Caldas de Reis fose subministrada durante meses con camións cisterna traídos da depuradora de Vilagarcía e en cambio Portas, que tivo a súa captación en niveis de alerta superior durante semanas, nin sequera informou aos usuarios.

As análises da auga da traída realizadas polo propio Concello de Portas demostran que se estivo a subministrar auga con elevadas concentracións de toxinas e incluso cuns niveis de ph moi por debaixo dos límites legais (auga ácida) (ver documento).

A nova potabilizadora, construída no monte de Romai grazas a un convenio asinado co anterior goberno da Xunta, púxose en funcionamento de forma provisional varias semanas despois de iniciada a crise das algas tóxicas, a pesares de que estaba rematada dende principios do ano 2010.

Nova depuradora no monte de Romai funcionando cun grupo electróxeno

A mala planificación do concello fai que un ano despois de estar rematadas as obras aínda non estea en servizo o subministro eléctrico, tendo que usar un grupo electróxeno a gasóleo cun custo desorbitado de máis de 4000 euros ao mes, e que produce numerosas paradas e interrupcións. En calquera caso, o concello de Portas debería informar que este tipo de depuradoras non están preparadas para eliminar a toxina.

O PP mentiu e segue a mentir sobre o encoro de Caldas. Dixéronnos que era a solución para as riadas e para garantir o subministro de auga no Salnés. Nin unha cousa nin a outra. As riadas seguen a producirse; Lantaño sofre inundacións todos os anos. E o subministro de auga tampouco está garantido pois as toxinas no río aparecen periodicamente. Nin sequera o PP confía xa no encoro, así a captación de auga para o concello de Barro e para o polígono industrial de Barro-Meis estase a construír en Briallos no río Chaín para que non estea afectada polo encoro.

As ruínas do pavillón de Romai mostran a desidia do alcalde

Mentres o pavillón de Romai podrece no esquecemento ou os campos de fútbol de Lantaño e Romai non recibiron unha peseta do goberno local do PP en 19 anos de goberno, o alcalde presume de gastar centos de miles de euros nunha piscina climatizada ou nun miradoiro na cheminea da Azucreira.

Este goberno municipal perdeu absolutamente o norte, e en lugar de cubrir as necesidades básicas dedica os escasos recursos do Concello a proxectos faraónicos que logo non pode manter.

O deterioro do pavillón de Romai é tal que as clases de ximnasia, que un grupo de mulleres viñan organizando durante anos, tiveron que suspenderse ante a imposibilidade material de realizalas coa pista inundada e sen luces (todas están rotas). A esperpéntica, ridícula e insultante solución que lles propuxo a Alcaldía ante as queixas das afectadas foi que realizasen as clases de ximnasia no escenario do Teleclube ou se trasladasen ao pavillón da Rapeira.

O goberno municipal é incapaz de arranxar o pavillón de Romai pero quere convencer aos veciños e veciñas de Portas para que 800 casas do concello paguen 120 euros todos os anos para manter unha piscina climatizada.

Aínda que o número de usuarios en Portas duplicase ou triplicase a porcentaxe de habitantes que usan as piscinas noutros concellos (Caldas, Vilagarcía, Sanxenxo, Pontevedra) non se chegarían a cubrir nin a cuarta parte dos gastos.

Os números do PP son falsos porque parten de supoñer uns gastos anuais de mantemento moi inferiores aos

reais, e sobre todo, son imposíbeis porque o concello de Portas ten menos de 800 casas habitadas. O que

oculta o PP é que a cota anual por casa terá que ser moito maior ou haberá que pagar o mantemento cos cartos de todos e todas, sexan usuarios ou non.

O goberno municipal de Portas ten facturas sen pagar do ano 2004 e sen embargo a súa prioridade é inaugurar

unha piscina climatizada antes das eleccións de maio de próximo.

Un compromiso do BNG no próximo goberno de Portas é resolver os problemas do pavillón de Romai e atender adecuadamente as entidades deportivas do Concello.

O pavillón de Romai convertido en piscina, pero non climatizada.

Asemblea local de Portas

O domingo 30 de xaneiro ás 12:00 h. celebrarase unha asemblea no local da Antiga Camara Agraria en Portas.

Reunión importante. Trataránse temas de política local e candidatura para as vindeiras eleccións municipais.

Rógase asistencia e puntualidade.

O alcalde de Portas será xulgado antes das eleccións por evadir impostos

El alcalde de Portas será juzgado antes de las elecciones por evadir impuestos

El País, 12 de xaneiro de 2011

El alcalde de Portas desde hace 19 años, Roberto Vázquez, del PP, se enfrenta a un segundo caso que le puede impedir ejercer el cargo, si el tribunal que le juzgará en Pontevedra lo declara culpable de los delitos de falsificación documental y delito fiscal. La fiscalía de Delitos Económicos solicita para él una condena de cuatro años de prisión e inhabilitación y el pago de 451.432 euros en concepto de multas y por las cantidades defraudadas a Hacienda. Fuentes judiciales aseguraron que la vista se celebrará antes de las elecciones.

Acusado de un delito de negociaciones prohibidas a funcionarios municipales, Vázquez fue condenado a un año de suspensión en el cargo y multa de 3.600 euros en abril del pasado año, por haber contratado a sus empresas para realizar servicios para el ayuntamiento. La sentencia quedó sin efecto al haber sido recurrida ante la Audiencia Provincial, que posteriormente revocó el fallo.

Según el escrito de la acusación, en la liquidación del impuesto de sociedades de 2005, Hacienda detectó que la promotora inmobiliaria Pazos Souto 2000 S.L., de la que es administrador el alcalde de Portas, declaró gastos de obras inexistentes por importe de 151.432 euros.

Entre otras promociones que desarrolló la sociedad en la isla de Fuerteventura, Pazos Souto S.L. promovió la construcción de dos edificios, El Castillo I y El Castillo II, de 26 y 51 viviendas, respectivamente. En la primera promoción utilizó a la empresa Mapafuer S.L. y en la segunda a Mapacons Insulares S.L., declarando pagos por obras que no ejecutaron.

Además, el administrador y único socio de estas constructoras, Pablo Vieira Vieira, quien teóricamente presentó las declaraciones del impuesto de sociedades del ejercicio 2006, falleció el 13 de febrero de 2005, por lo que no pudo presentarlas y, en consecuencia, alguien falsificó su firma.

El escrito del fiscal Augusto Santaló señala que el alcalde de Portas presentó ante Hacienda presupuestos, facturas y recibos aparentemente expedidos por las citadas sociedades y que "necesariamente fueron confeccionados por él o a su instancia". Por la falsedad, el fiscal solicita para Vázquez dos años de prisión y dos de inhabilitación, los mismos que por el delito contra la hacienda pública, con 100 días de privación de libertad en caso de impago.

Piden catro anos de cárcere para o alcalde de Portas por declarar pagamentos inexistentes da súa empresa

La Voz de Galicia, 11 de xaneiro de 2011.

O fiscal acúsao dun delito de falsidade e outro contra a facenda pública

Cando aínda non se cumpriron os dous meses da absolución de Roberto Vázquez dun delito de negociacións prohibidas aos funcionarios, ao alcalde de Portas, do PP, abríuselle outra fronte xudicial. Neste caso, a Fiscalía de Pontevedra impútalle un delito de falsidade en documento mercantil, polo que solicita dous anos de cárcere e 5.400 euros de multa, e un segundo cargo contra a facenda pública, polo que pide igual tempo de prisión e o abono dunha sanción de trescentos mil euros.

En canto á responsabilidade civil, o ministerio público sostén que o rexedor deberá indemnizar ao Estado con 151.432 euros que se corresponderían «coa cantidade defraudada».

A este respecto, afírmase que Roberto Vázquez foi unha das persoas que constituíu no 2000 a empresa Pazos Souto 2000 Unipersoal, aínda que un lustro máis tarde «se transformou en unipersoal quedando como único socio e administrador» o acusado. Tendo como obxecto social a promoción inmobiliaria de vivendas coa súa construción, reparación e conservación, o fiscal pontevedrés mantén que no exercicio fiscal do 2005 presentou un declaración-liquidación polo imposto de sociedades que «non obedecía ás reais operacións económicas da mesma».

Caso Forteventura

Neste sentido, sostén que «os gastos foron incrementados de forma inxustificada, declarando uns gastos realizados por empresas que, en realidade, eran inexistentes». A este respecto faise alusión directa a dúas promocións de 77 vivendas na illa de Forteventura, onde se declararon unha serie de pagamentos a outras dúas empresas que supostamente nunca se consumaron.

De feito, a acusación mantén que Roberto Vázquez chegou a crear «as facturas e xustificantes de pagamento emitidos [...] coa finalidade de diminuír a base impoñible resultante».

O fiscal chega a esta conclusión tras confirmar que «ambas as sociedades non podían realizar os traballos que se din efectuados, pois desde o ano 2002 carecían de traballadores para poder realizalos». A isto súmase que nos dous seguintes exercicios, no 2003 e o 2004, as firmas deixaron de «presentar declaracións tributarias e de operacións con terceiras persoas», mentres que un ano despois volveron presentalas, aínda que «exclusivamente manteñen relacións comerciais con Pazos Souto 2000». Curiosamente, nas súas declaracións recóllense «uns gastos que cobren os ingresos que se din recibidos» pola empresa de Roberto Vázquez. Consecuentemente, «nada ingresan na facenda pública».

Non acaban aquí as presuntas irregularidades detectadas pola Fiscalía. Así, o administrador das dúas empresas de Forteventura presentou a declaración do imposto de sociedades de ambas do exercicio do 2006 cando falecera o 13 de febreiro do ano anterior, «polo que non puido presentalas, asinando, en consecuencia, alguén por el».

O ministerio público pontevedrés engade que Pazos Souto 2000 participou noutras promocións «cuxa contabilidade non era correcta». Dáse o paradoxo de que, neste caso, «a corrección beneficia á obrigada tributaria [a empresa] pois suporá unha diminución da base impoñible do imposto». E é que, na promoción Villajuán, «detectouse a existencia dunhas maiores existencias que as declaradas, o que supón un maior custo de venda».

A acusación pública conclúe matizando que non se cuestiona que as obras non sexan realizadas realmente, «senón que non o foron polas empresas que se sinalan como construtoras e ás que se di abonar os gastos que posteriormente se deducen».

Asemblea local de Portas

O domingo 9 de xaneiro ás 12:00 h. celebrarase unha asemblea no local da Antiga Camara Agraria en Portas.

Reunión importante. Trataránse temas de política local e candidatura para as vindeiras eleccións municipais.

Rógase asistencia e puntualidade.

Pleno ordinario

O xoves 30 de decembro ás 14:50 h. celebrarase un pleno ordinario na casa do Concello coa seguinte orde do día:

1. Lectura e aprobación da acta da sesión anterior.

2. Coñecemento resolucións da Alcaldía.

3. Rogos e preguntas.