Pleno Extraordinario

O sábado 30 de marzo ás 11:00 h. celebrarase un pleno extraordinario na Casa do Concello coa seguinte orde do día:

1. Aprobación da acta da sesión extraordinaria do 8-3-2019.
2. Designación membros mesas electorais ELECCIÓNS XERAIS 28-4-2019.

#8M O BNG Asembleas Abertas planta o pleno extraordinario convocado polo alcalde de Portas

O seguinte comunicado foille enviado ao alcalde de Portas antes do pleno convocado para o venres 8 de marzo ás 20:30h.:

Sr. Alcalde-Presidente da Corporación de Portas.

Dende o grupo municipal BNG Asembleas Abertas, non entendemos a urxencia deste pleno, dado que dende xuño de 2018, non se convocou ningún pleno ordinario e dende hai tres meses ningún extraordinario, seguramente porque a data dos mesmos coincidía con actos electorais do Partido Popular; e non se lle ocorre a vostede mellor data para convocar un pleno extraordinario urxente que o día 8 de marzo, que como todo o mundo sabe, agás vostede, é un día de loita feminista pola igualdade no que as mulleres teñen convocada unha folga xeral. Consideramos que a administración debe ser sensible co sentir da cidadanía e, o convocar este pleno no día de hoxe parécenos unha provocación ou, cando menos, unha falla de respecto polas mulleres que loitan por un trato igualitario real en tódolos ámbitos da vida: no fogar, no traballo e na rúa. Polo exposto, o grupo municipal BNG Asembleas Abertas, quere expresarlle a máis enérxica protesta pola convocatoria deste pleno na data do 8 de marzo, imbuíndo o dereito á folga ás concelleiras e aos concelleiros e, desexando exercer tal dereito en solidariedade co movemento feminista neste día mundial de loita, non asistiremos ao pleno convocado para hoxe.

Portas, 8 de marzo de 2019

Santiago Carballo Mourón

Portavoz

Pleno Extraordinario

O venres 8 de marzo de 2019 ás 20:30 h. celebrarase un pleno extraordinario na Casa do Concello coa seguinte orde do día:

1. Aprobación da acta da sesión extraordinaria do 23-11-2018.
2. Expediente 114/2019. Adhesión ao convenio asinado entre a SGAE e a FEMP sobre uso público dos dereitos de autor.
3. Expediente 116/2019. Orzamento exercicio de 2019.
4. Expediente 118/2019. Regulamento do uso do galego no Concello de Portas.
5. Expediente 135/2019. Moción do concello de Ribadumia para solicitar o recoñecemento como variedade autorizada da uva tipo Folla Redonda.
6. Correspondencia oficial.
7. Documentación Plan Concellos 2018-2019.
8. Resolución Alcaldía delegación de funcións.
9. Liquidación exercicio 2018.
10. Decretos da Alcaldía do 20-11-2018 ao 31-12-2018.
11. Decretos da Alcaldía do 1-1-2019 ao 28-2-2019.
12. Período medio de pago 2018.
13. Rogos e preguntas.

Dende xuño sen plenos ordinarios.

Dende mediados de novembro sen informar dos decretos de alcaldía.

Dende 1992 sen un mínimo de democracia.